Մայիսի 25-ին Չեխիայի Հանրապետությունում ՀՀ դեսպան Տիգրան Սեյրանյանը հանդիպում է ունեցել ՉՀ գյուղատնտեսության նախարար Պետր Բենդլի (Petr Bendl) հետ, հայտնում են ՀՀ ԱԳ նախարարությունից:

Հանդիպման ընթացքում քննարկվել են գյուղատնտեսության ոլորտում հայ-չեխական համագործակցության զարգացմանն առնչվող հարցերի լայն շրջանակ: Այդ համատեքստում երկուստեք ընդգծվել է փոխգործակցության տարբեր ուղղություններով արդյունավետ գործընկերության իրավական հիմք ստեղծելու, ինչպես նաև՝ կողմերի առաջատար փորձն օգտագործելու կարևորությունը:

Նախարար Բենդլը ներկայացրեց Չեխիայի գյուղատնտեսության հետհամայնավարական զարգացման ուղին` նշելով, որ դրա մակարդակն այժմ լիովին համապատսախանում է Եվրամիության չափանիշներին: Թեպետ երկրի գյուղատնտեսությունն ինտեգրված է ԵՄ համակարգում, Չեխիայի Հանրապետությունը մեծապես կարևորում է երկկողմ հարաբերությունները և առևտուրը նախկին ԽՍՀՄ պետությունների հետ:

Հանդիպմանն երկուստեք պատրաստակամություն հայտնվեց համապատասխան քայլեր ձեռնարկել գյուղարտադրանքի փոխադարձ առևտրի հնարավոր սահմանափակումների վերացման ուղղությամբ: