Главная » 2012 » Հունիս » 17 » Շիրակի մարզում համայնքային խորհուրդներ են ստեղծվել
11:14 AM
Շիրակի մարզում համայնքային խորհուրդներ են ստեղծվել
Շիրակի մարզում համայնքային խորհուրդներ են ստեղծվել` ի շահ համայնքաբնակների: Դեռ 2009 թվականի ապրիլ ամսին էր ընդունվել համայնքների խոշորացման ու միջհամայնքային միավորումներ ստեղծելու հայեցակարգը: Այն արդեն սկսել է գործնականորեն կիրառվել մարզի մի շարք համայնքներում: Համայնքների խոշորացման հարցը ներկայում ընդգրկված է ՀՀ Կառավարության ծրագրում: Այն առաջարկում է հավասար պայամաններ տարբեր համայնքաբնակների համար և ընձեռում է համատեղ աշխատանքի հնարավորություն: Արագածոտնի մարզում կատարված առաջին փորձից հետո այն կիրառվեց նաև այլ մարզերում ևս: Միջհամայնքային խորհրդի ձևավորման աշխատանքներ են իրականացվել նաև Ախուրյան համայնքում: Հունիսի 15-ին կայացած քննարկման ժամանակ համայնքապետ Արծրունի Իգիթյանը ծրագրի պատասխանատուներին ներկայացրել է Ախուրյանի միջհամայնքային խորհրդի կանոնակարգը և ծրագրի պատասխանատուների ու ներկա գյուղապետերի հետ քննարկել հաստիքային աշխատանքերի ու խորհրդի հետագա գործունեության հետ կապված այլ հարցեր: Համայնքապետը կարևորել է խորհրդի ստեղծման գաղափարն ու ակնկալել համայքների ակտիվ մասնակցությունը խորհրդի աշխատանքներին:
