Այսօր լրագրողների հետ հանդիպման ժամանակ ՀՀ գյուղատնտեսության փոխնախարար Արմեն Պողոսյանը նշեց, որ Հայաստանում այսուհետ հնարավոր կլինի բերքատվության արդյունքների մասին կանխատեսումներ կատարել. գյուղատնտեսության նախարարությունը սկսել է ակտիվ համագործակցությունն Արտակարգ իրավիճակների նախարարության «Հայհիդրոմետե ծառայության, ինչպես նաև` վիճակագրական ծառայության հետ:
«Մեր համար թիրախ է այն տնտեսվարողը, այն ֆերմերը, որի համար հասանելի չէ այդ տեղեկատվությունը, թե ինչն է ավելի օգտավետ իր համարե,- ասաց նա և հավելեց, որ նախորդ ծրագրերի իրականացման շրջանակներում զգալիորեն լավացել է գյուղատնտեսության վիճակն ու հիմնական ուղղությունները:
Գյուղատնտեսության փոխնախարարը նաև շեշտեց, որ միջազգային տարբեր կառույցներ դրական են գնահատում Հայաստանում գյուղատնտեսության զարգացմանը միտված ծրագրերի իրականացումը, հայ փորձագետները կարողանում են ակտիվորեն մասնակցել փորձի փոխանակման գործընթացներում:
