Հայաստանի տնտեսական ակտիվությունը աճել է 2,4 տոկոսով
Հայաստանի Հանրապետության տնտեսական ակտիվության ցուցանիշն ընթացիկ տարվա նոյեմբերին նախորդ տարվա նույն ժամանակահատվածի համեմատ բարելավվել է 2.4 տոկոսով: Ինչպես տեղեկացրին ՀՀ ազգային վիճակագրական ծառայությունից, 2011թ. նոյեմբերին` նախորդ տարվա նույն ցուցանիշի հետ համեմատությամբ 18.8 տոկոս աճ է գրանցվել նաեւ արդյունաբերական արտադրանքի ծավալներում:
Ժամանակային նույն հատվածների համեմատությամբ` գյուղատնտեսության համախառն արտադրանքի ծավալն աճել է 6.2 տոկոսով, առեւտրի շրջանառությունը 3.4 , ծառայությունների ծավալը` առանց առեւտրի, 4.4 տոկոսով: Շինարարության ծավալը նախորդ ամիս 2010-ի նոյեմբերի նկատմամբ նվազել է 13.3 տոկոսով: Սպառողական գների ինդեքսն աճել է 4.8, արդյունաբերական արտադրանքի գների ինդեքսը` 8.1 տոկոսով: Աճի ամենից բարձր ցուցանիշ է գրանցվել էլեկտրաէներգիայի արտադրության դեպքում. Այն կազմել է 61.8 տոկոս:
Միջին ամսական անվանական աշխատավարձը նոյեմբերին աճել է 6.3 տոկոսով, որից` պետական հատվածում` 5.8, իսկ ոչ պետականում` 6.4 տոկոս: Արտաքին առեւտրաշրջանառության ոլորտում գրանցվել է 10.2 տոկոս աճ, արտահանման ծավալներն ավելացել են 22.3, իսկ ներմուծման ծավալները` 6.7 տոկոսով: Դրամի փոխարժեքն ԱՄՆ դոլարի նկատմամբ չի փոխվել:
Հայաստանի Հանրապետության տնտեսական ակտիվության ցուցանիշն ընթացիկ տարվա նոյեմբերին նախորդ տարվա նույն ժամանակահատվածի համեմատ բարելավվել է 2.4 տոկոսով: Ինչպես տեղեկացրին ՀՀ ազգային վիճակագրական ծառայությունից, 2011թ. նոյեմբերին` նախորդ տարվա նույն ցուցանիշի հետ համեմատությամբ 18.8 տոկոս աճ է գրանցվել նաեւ արդյունաբերական արտադրանքի ծավալներում: