 Երեւանի Նուբարաշենի վարչական շրջանում առաջիկա ամիսներին կհիմնվի թռչնաֆաբրիկա` «Ատլաս» անվանմամբ: Ընկերությունն արդեն սկսել է իր ներդրումային ծրագիրը, ու կառավարությունից ներդրումային ապրանքների ներմուծման համար ավելացված արժեքի հարկի վճարման տարկետում խնդրել: Հարցը ներառվել է կառավարության դեկտեմբերի 15-ի նիստի օրակարգում:
Նշենք, որ բոլոր ներկրվող սարքավորումները լինելու են իրանական արտադրության: Ընկերությունը նախատեսում է հիմնել մսատու հավերի աճեցման եւ մորթման, ինչպես նաեւ կերի պատրաստման արտադրամաս: Սկզբնական ժամանակահատվածում առկա 13 գոմերից կօգտագործվի միայն 5-ը, որի միջոցով հնարավոր կլինի աճեցնել մոտ 150 հազար ճուտ 1.5 ամսում:
Նշենք, որ Հայաստանում գործում են 6 խոշոր թռչնաֆաբրիկաներ, որոնցից մեկը` «Գետամեջը», նույնպես ունի «մսատու» ուղղվածություն:
|
