Հայաստանում տոնական մթնոլորտն այս տարի կապահովեն գերմանական կեռիկավոր եղեւնիները: Ինչպես ասաց ՀՀ բնապահպանության նախարարի մամուլի քարտուղար Հասմիկ Մկրտչյանը, ամեն տարի Ամանորի նախաշեմին մի շարք արտասահմանյան կազմակերպություններ դիմում են նախարարություն' եղեւնիներ ու սոճիներ ներկելու թույլտվություն ստանալու համար:
«Այս տարի մեզ դիմել է գերմանական կազմակերպություններից մեկը' 150 կեռիկավոր եղեւնի ներկրելու համար»,- ասաց Մկրտչյանը:
Նրա խոսքով' այս տարի Բնապահպանության նախարարությունը լուրջ միջոցառումների ծրագիր է մշակել, որով ուժեղացվելու է ապօրինի ծառահատումների հետ կապված վերահսկողությունը' հատկապես Ամանորի նախաշեմին' կապված եղեւնիների հատման հետ:
«Հսկվելու են բոլոր անտառամիջյան հատվածները, մայրուղիները, առեւտրային տարածքներին կից ճանապարհահատվածները»,-ասաց նա: