 2011թ. դեկտեմբերին նոյեմբերի համեմատ ՀՀ սպառողական շուկայում արձանագրվել է 2.5% գնաճ, այդ թվում, պարենային ապրանքների (ներառյալ ոգելից խմիչք և ծխախոտ) գներն աճել են 4.4%-ով, ոչ պարենային ապրանքներինը`0.5%-ով, ծառայությունների սակագները` 0.1%-ով:
Ինչպես տեղեկացնում են ՀՀ ազգային վիճակագրական ծառայությունից, 2011թ. հունվար-դեկտեմբերին սպառողական գների միջին ամսական հավելաճը կազմել է 0.4%, ինչը 0.4 տոկոսային կետով ցածր է նախորդ տարվա նույն ժամանակահատվածում արձանագրված համապատասխան ցուցանիշից (0.8%) :
2011թ. դեկտեմբերին 2010թ. դեկտեմբերի համեմատ սպառողական գների ինդեքսը կազմել է 104.7%, այդ թվում, պարենային ապրանքներինը (ներառյալ ոգելից խմիչք և ծխախոտ)`105.8%, ոչ պարենային ապրանքներինը`104.3%, ծառայությունների սակագներինը`102.9%, իսկ հունվար-դեկտեմբերին 2010թ. հունվար-դեկտեմբերի համեմատ` համապատասխանաբար 107.7%, 111.2, 103.4 և 103.6%:
2011թ. դեկտեմբերին 2010թ. համեմատ սպառողական գների ինդեքսը կազմել է 109.0%, այդ թվում, պարենային ապրանքներինը (ներառյալ ոգելից խմիչք և ծխախոտ)՝ 112.8%, ոչ պարենային ապրանքներինը՝ 105.2%, ծառայությունների սակագներինը՝ 104.4%:
2011թ. դեկտեմբերին նոյեմբերի համեմատ հանրապետության դիտարկվող բոլոր քաղաքներում սպառողական գներն աճել են 1.6-3.4%-ով, ընդ որում, գնաճի ամենաբարձր ցուցանիշն արձանագրվել է Գյումրիում: Մայրաքաղաքում սպառողական գներն աճել են 2.5%-ով:
|
